قصه حقيقية " رعب عائلة مدكور "

 

قصه حقيقية " رعب عائلة مدكور "

( رعب عائلة مدكور ) 

 قصة حقيقية 

على لسان صاحب القصه قصه حقيقية ينشرها خبر عاجل ولكم التعليق 

  كان عمى مدكور وعمتى راتيبة عايشين في بيت قديم قوى فى حلوان  كان بيت قديم  محدوف اخر البلد وكان اقرب ناس ليه على بعد 10 دقائق مشى المهم عمى وعمتى الاتنين متجوزوش والبيت ده كان بيت ابوهم وكانو عايشين فيه المهم بعد وفاة

ابى بفتره كبيرة قولت اصل الرحم وأسأل عليهم . سالت عنهم ناس فى العائلة قالو دول بقالهم 20 سنة محدش يعرف عنهم حاجة  المهم فى يوم من الايام  قررت اروحلهم حلوان  وأسأل عليهم .

 ركبت المترو  ونزلت محطة حلوان  وسالت عن منطقة الجبانة  المهم ناس قالولى  يااااه الجبانة  ده منطقة مقطوعه  محدش بيروحها  كلها قرفات وترب انت عايز مين هناك  قولتلهم بيت جدى مدكور  الناس فجاة  كشرو  وقالولى جدك يبقى مدكور قولتلهم اه  قالولى  اركب عبارة من المعصره و انزل اتمشى اخر الغيطان هتلاقى  الترب بعدها بعشر دقايق هتلاقى بيت مدكور . المهم عملت اللى قالولى عليه  ووصلت عند البيت بعد ما مشيت  اكتر من 3 محطات داخل الغيطان لغاية الترب  وابتدا البيت يزهر قدمى  كان بيت غريب اوى وقديم جدا كان الليل دخل عليه وصلت الساعة 7 مساء  كان صوت الهواء يرعب و صوت الشجر يرعب اكتر  المهم  خبطت على الباب  اكتر من مرة محدش  رد علية خالص  قولت معقول محدش جوه يا خسارة المشوار  فجاة ببص للشباك لقيت حد باصص من وراء الزجاج  ودخل مره واحده  انا خفت الصراحة بس قولت اكيد حد شافنى ونزل يفتح  المهم فعلاً سمعت خطوات نزله على سلم خشب  وفجاة اتفتح الباب لقيت  ست عجوزه اوى  انا عرفتها من الصور انها عمتى  بس عجزت اوى  قالتلى بصوت مرعب انت مين وعايز ايه  قولتلها انا محمد ابن غازى  اخوكى انتى عامله ايه يا عمتى  فين عمى مدكور عامل اية  ولا كانى بتكلم خالص  راحت قايللي ببرود شديد ادخل يا محمد  استغربت ولا سلام ولا ازيك  المهم دخلت وراحت قافله الباب  ومتربساه ب3 ترابيس  انا قولت فية ايه المهم الخوف ابتدا يتسرب لقلبى  فيه ايه  قولتلها هو فين عمى يا عمتى عايز  اسلم عليه وامش عشان الحق اراوح والاقى موصلات  قالتلى بصوت عالى فجاة  انت ايه اللى جابك اصلا  اتكسفت اوى اوى وقولتلها معلش يا عمتى  اننا مسالناش عنكو من زمان  قللتلى وجاى بعد ايه ما كل شيء راح قولتلها  هو ايه اللى راح  فجاة سمعت صوت هز البيت  كفاية كده يا راتيبة  ببص لقيت راجل عجوز اوووى نازل من على السلم  مش عارف احدد ملامحه من نور البيت الضعيف  لابس روب  كروهات  قديم  ومحنى شوية  وقالها اطلعى اوضتك يالا كفايه كده  قرب منى  وقالى ازيك يا محمد عامل ايه  قولتلو  عمى مدكور صح  قالى اه  انا عمك  قولتلو ازيك يا عمى عامل ايه قالى   زى مانته شايف  قولتلو زي الفل  شباب لسه  ضحك وقالى شكرآ يا محمد  قولتلو  معلش اننا مسالناش السنين ده كلها  بس تتعوض وهجيلكو تانى  وقولت اخرج بقى وشكراً كده  اعصابى باظط وقولت  يارتنى ما جيت  قالى عمى اقعد يا محمد  قولتلو شكراً هبقى اجيلكو تانى  وقلت امشى  لقيته فجاة نده وقال رتيبه رتيبه  نزلت عمتى  بسرعة  قالها  نضفى لمحمد الاوضه هيبات معنا  قالتلو حاضر   قولتلهم لا شكرا انا عندى شغل بكره بدرى  ولسه هارواح الغورية  معلش  قالى مشى هينفع تيرواح  الوقت اتاخر والجبنات  والترب منطقة مقطوعه امش الصبح وراح سايبنى وطالع  قولت ايه القرف ده انام ازى ده البيت شكله يرعب ومين هيجيلو نوم   فجاة لقيت  عمتى وقفا ورايا وراحت قايلا  اطلع نام  يا محمد  انا جسمى اتنفض  ورجعت  لورا  شوية  قولت  لنفسى هي نزلت امتى من فوق   قالتلى ادخل اوضتك ومتخرجش منها  خالص ومتعملش اى دوشه  ومهما حصل ماتخرجش  وراحت مطبطبا عليه  اطمنت  شوية وقولتلها حاضر  المهم طلعت الاوضة  دخلت  لاقيتها اوضه نظيفة بس السرير حديد وفيها شباك بيبص على الغيط والقرافه حاولت انام  مش عارف  انا فى الغورية عندنا  بنام الفجر  معقول هنام الساعة 8  ايه القرف ده  المهم فردت نفسي شويه على السرير  قولت  يمكن انام  فجاة  عينى راحت فى النوم حلمت بكابوس غريب ان عمى بيدبح عمتى  وابويا بيقولى اجرى يا محمد  قومت من النوم مفزوع  ومخضوض  ببص فى الساعة  لقيتها  12 بليل  قولت  لا حول ولا قوة الا بالله ايه الكابوس ده  فجاة سمعت  صوت خطوات بره الاوضه  وحد وقف فجاه ورا الباب وسمعت صوت عمى بيقول لعمتى  زمانه نام  قولت اعمل نافسى نايم  لو دخلو عليه  رحت متغطى  بالملايه  ومغمض عين فجاة لقيت الباب بيتفتح  وعمى وعمتى بيتسحبو  على رجلهم  وراحو  معرين وشى  بيشوفونى نايم ولا صاحى  قلبي بقى يدق  جامد  اوى  وفضلت مغمض عينى عرفو انى نايم  راحو ماشين  وجم عند الشباك وبصو منو  ولقيتهم  بيتكلمو  بصوت غريب زى صوت النوبه كده او صوت الغربان  مع بعض  وراحو خرجين  من الاوضة وقافلين علية الباب  روحت قايم  وباصص من خرم الباب عليهم  لقيتهم بيزحفو على ايدهم ورجلهم     وراحو داخلين الاوضة اللى جانبى  قولت  ايه الرعب ده طب انا هخرج ازى دلوقت دول باين عليهم مجانين  وممكن يدخلو يقتلونى  وجه فى دمغى 100 حاجة مرعبة  دول مجانين لا دول قتالين . والوسواس مسكنى. طب اخرج ازاى  اخير جاتلى فكرة  قولت  انده على اى حد من الشباك يلحقنى  انى القى حد ابدا  حتة مقطوع خالص مفيش حد  قولت  ياروح  ما بعدك روح  انا اخرج من الاوضه  واتسحب لغاية الباب واخرج  المهم  خرجت من الاوضه  واتسحبت  وقولت انزل بس للاسف هعدى على اوضتهم  اعمل ايه  المهم  اتسحبت وعديت جنب اوضتهم  لقيت الباب مفتوح  قولت ينهار ابيض  هيشوفونى  اعمل  ايه قولت اتسحب و ابص  عليهم اشوفهم  من بعيد  فين  ببص  ملقيتش حد فى الاوضة  . عينى جت على سريرهم  اى ده  ياااه  لقيت السرير عليه ملايه غرقانه  بقع دم  بس  شكله دم اسود  قديم   قولت فيه ايه  هما فين راحو  احسن يكونو تحت  جمدت قلبي ونزلت على طراطيف صوابعى  مفيش  حد لغاية اما وصلت عند الباب وبفتح الترابيس سمعت صوت صرخة ااااااااااه  وصوت ست بتقول لراجل متقتلنيش يا مدكور  متدبحنيش  فجاة جه فى دماغى الحلم  اللى حلمته  فوق  فتحت الترابيس  ورحت جارى  على الغيط  لغاية اما وصلت عند القرافة  سمعت نفس  الصوت  متقتلنيش يا مدكور  ياااااه  جريت اسرع  وحاسس ان فى حد بيجرى ورايا  ونفس قريب منى وقرب يمسكنى  فضلت اجرى  لغايه اما وصلت للمعصرة  لقيت  العبارة  رحت ناطط فيها  كان فية ناس راكبين  مدولى ايدهم   يااااه معقول  فلت معقول الى حصلى ده. الناس جابولى مياه غسلت وشى . قالولى فيه ايه يبنى مالك  قولتلهم مفيش  حاجة الصراحة خفت احكى لحسن يودونى  القسم  واحد قالى  احمد ربنا ان ده اخر عبارة  بتطلع  من المعصرة  قولتلو ليه قالى المنطقة اللى انتى ركبت منها ديه  كلها رعب  قولتلو ليه  قالى بسبب بيت مدكور  قولتلو مالو بيت مدكور  قالى ده بيت مهجور مليان عفاريت  قولتو  ازاى  قالى من 20 سنة صاحب البيت عم مدكور شك فى اخته راح دابحها وقطع رقبتها  وبعدين دبح نفسه  ومن ساعتها البيت مهجور  وبيظهر فى عفاريت يبني .. ياعنى ايه الكابوس اللى حلمت بى كان حقيقى  وابوى الله يرحمه جانى فى الحلم عشان يساعدني يعنى ايه  عمى وعمتى عفاريت وهو ده السر انهم اختفو من عشرين سنة وهو ده السر . حمدت ربنا  انو انقذنى منهم وحرمت اروح حتة تانى