الرئيس السيسى مانخافوش انا مش هلغى دعم الخبز لكن هعيد ترتيبه

 

الرئيس السيسى مانخافوش انا مش هلغى دعم الخبز لكن هعيد ترتيبه 

استعرض الرئيس عبد الفتاح السيسي قضية الدعم وسعر رغيف العيش قائلا: الناس استغربت لما اتكلمت في رغيف العيش خلال الـ 50 سنة اللى فاتوا اتعملت منظومات كتير.. كانت مرتبة على ظروف وأوضاع موجودة في الوقت ده.. الظروف دي مش ممكن تستمر أو نقبل أنها تستمر كده على طول وأضاف الرئيس السيسي هديكم مثال رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.. طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.

وقال الرئيس السيسي ارتفاع الأسعار يتم مجابهته بتحسين أحوال الناس.. مش انفاق بس.. ضبط نمو سكانى المبلغ اللى كان بيصرف على 5 مش هينفع على 10 و15حجم النمو السكانى اللى زاد كان أكبر من طاقة الإنفاق وقيمة الجنيه مش زى قيمة الجنيه من 100 سنة".

وقال الرئيس السيسي، إن تكلفة تطوير الريف المصري لا تتجاوز ثلث تكلفة الدعم وأن الدعم فقط 3 تريليونات جنيه.. وتطوير الريف وتحويله لحاجة تانية هياخد ثلث الثمن ده.. أنا مش هلغى الدعم لكن هنعيد تنظيمه، وأنا بتصدى للقضايا زى ما تصديت لغيرها، ولازم أرتب ورق البلد دى عشان تبقى دولة ذات شأن".

وأضاف كل الناس تستقبل كلامى إني باختار الطريق الصعب أوى.. لو اخترت الطريق السهل كنت سبت الغلابة كدا.. وكنت زودت الدعم والتموين وخلاص، وبقول مكلش وأعيش بالشكل الآدمى المحترم اللى بنتكلم فيه وبتكلم في قضايا مصر عليها، مش عشان وجهة نظر.. لا قعدت 50 سنة أدرسه وأقول ليه البلد دى كدا.. ولازم البلد تتغير وأهلها يعيشوا.. وبجيب أمثلة وأختار التوقيات اللى بكلم فيها الناس.

ويفتتح الرئيس عبد الفتاح السيسي اليوم من مدينة بدر عددا من المشروعات السكنية المتنوعة

وتولى هيئة المجتمعات العمرانية الجديدة في إطار خطة التنمية الاقتصادية والاجتماعية للدولة ووفق برنامج الإسكان الإجتماعى اقتراح وتخطيط وطرح مشروعات الإسكان الإجتماعى والإشراف على تنفيذها بغرض توفير مسكن ملائم للمواطنين محدودي الدخل

ويقوم برنامج الإسكان الإجتماعى بتوفير وحدات سكنية لذوى الدخل المحدود فى المناطق التي يتم تحديدها.

وفى إطار في خطة الدولة لتوفير وحدات سكنية ذات طابع معماري متميز ومستوى تشطيب جيد للشباب ومحدودي الدخل قامت الهيئة بطرح مشروعات لوحدات سكنية بمشروع الإسكان الإجتماعى في عدد  22 مدينة جديدة بمساحة تصل الى 90م2 للوحدة

   كما يعمل المشروع القومى للإسكان على توفير 500 ألف وحدة سكنية خلال 6 سنوات (2005-2011) بالمدن الجديدة والمحافظات من خلال عده محاور بمعدل 85 ألف وحدة سكنية سنويا