خلال مداخلة هاتفية للسيد الدكتور طارق شوقى وزير التربية والتعليم والتعليم الفنى على برنامج " اخر النهار " على فضائية النهار قام مقدم البرنامج بتوجية سؤال الى السيد الوزير فى الدقيقة الخامسة وسبعة وخمسون ثانية قائلاً " بالنسبة للمؤتمر بتاع بكره فلو نعرف من حضرتك الملامح الرئيسية للاعلان احنا بنتكلم الـ 30 الف وظيفة معلم داخل السنة الاولى احنا قدامنا خمس سنين ان شاء الله لتغطية العجز فى المدارس يعنى الملامح الاساسية احنا مش عايزين نحرق التفاصيل لانها هتكون فى مؤتمر بكره ان شاء الله "
وجاء رد السيد الوزير كالتالى " لا الملامح زى ما حضرتك قولت ان كده كان توجيه من السيد الرئيس وبنشكره كثيراً على موافقته على التعاقد مع 150 الف معلم والهدف سد العجز للمعلمين مستوى الادارات التعليمية وبالتالى بقالنا مدة بنشتغل على تحديد مواطن العجز بالتحديد للسنوات الدراسية والتخصصات والادارات والاماكن فهنا دى مسابقة هادفة الى سد العجز مش هادفة كفرصة عمل وخلاص احنا عاوزين نحل والعدد المطلوب اكتر من 150 الف وطبعا حضرتك عارف هيتعمل على 5 سنين فـ 30 الف هيسدوا العجز جزئياً مش كلياً وبالتالى مهم اوى ان احنا نحدد الخطوات بوضوح وواضح اننا معانا اجهزة الدولة يعنى احنا هنعمله الجهاز المركزى للتنظيم والادارة وطبعا بنشكر وزارة المالية ومجلس الوزراء علشان كده اخدنا وقت ع نحدد العجز بدقة ونحدد الاولويات وطريقة الاختبارات نفسها وهنعلنها بكره ان شاء الله وايه المطلوب من حيث مواصفات الخريج والسن والتقدير والحاجات دى كلها الهدف فى الاخر ان احنا نجيب معلمين اكفاء يقودوا التعليم الجديد اللى بدا منذ ثلاث اربع سنوات علشان تكتمل الصورة ودى بالنسبالنا مسابقة مهمة جدا بالنسبة للدولة ككل وبنشكر جهاز التنظيم والادارة الحقيقة بيبذا جهد كبير جدا معانا علشان نتمكن من ان احنا نحلها واننا نتفادى كل اخطاء ما سبق من تعيينات "
خطوات التسجيل على بوابة الوظائف الحكومية قبل اعلان مسابقة 30 الف معلم مساعد اضغط هنا
0 تعليقات